O‘zbekiston Qirg‘izistonga ham insonparvarlik yordami jo‘natdi (foto)
O‘zbekiston prezidenti tashabbusi bilan qo‘shni Qirg‘iziston Respublikasiga koronavirus «COVID-19» kasalligini bartaraf etishga ko‘maklashish maqsadida insonparvarlik yordami yuborildi.
Insonparvarlik yordami Favqulodda vaziyatlar vazirligi, Andijon viloyati hokimligi, «O‘zbekiston temir yo‘llari» AJ, «O‘zdonmahsulot» aksiyadorlik kompaniyasi tasarrufidagi «Qo‘rg‘ontepa don mahsulotlari» aksiyadorlik jamiyati hamda mamlakatimizdagi farmatsevtika korxonalari hamkorligida amalga oshirildi.
Andijon viloyati Qo‘rg‘ontepa tumanidagi temiryo‘l stansiyasidan ming tonna un, turli oziq-ovqat mahsulotlari, shuningdek, koronavirus infeksiyasi tarqalishining oldini olishda foydalaniladigan bir martalik bosh kiyimli himoya kombinzoni, respirator, qo‘lqop, himoya ko‘zoynagi, pirometr hamda test-sistemalar ortilgan poyezd qo‘shni respublikaga jo‘natildi.
Maxsus eshelon Qirg‘izistonning O‘sh shahriga yo‘l olgan.
Eslatib o‘tamiz, bugun Afg‘onistonga ham yordam jo‘natilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter