Sergelida yongan mahalla fuqarolar yig‘ini binosi haqida ma’lumot
Kecha, 15 iyulda Sergeli tumanida mahalla fuqarolar yig‘ini binosi yonib ketdi. Bu haqda Toshkent shahar Yong‘in xavfsizligi boshqarmasi tomonidan rasmiy ma’lumot berildi.
«15.07.2019 yil kuni soat 21:52da, Sergeli tumani, Yo‘ldosh 7-dahasida joylashgan «Al-Farg‘oniy» nomli mahalla fuqarolar yig‘ini binosining ichki qismi va jihozlari 50 kv.m. maydonida yongan. Yong‘indan binoning 250 kv.m. maydonidagi qurilmalar saqlab qolingan.
Yong‘in o‘chirish jangovar bo‘linmalari chaqirilgan manzilga soat 21:54da yetib borgan va ko‘rilgan tezkor chora va harakatlar natijasida yong‘in soat 22:04da qurshab olinib, soat 22:20da bartaraf etilgan. Yong‘in sababi va keltirilgan moddiy zarar miqdori aniqlanmoqda. Yong‘in joyiga 4 ta yong‘in o‘chirish texnikasi jalb qilingan.
Sodir bo‘lgan yong‘inda insonlarni halok bo‘lish va tan jarohati olish holatlari qayd etilmadi».
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter