Toshkent shahar Ichki ishlar bosh boshqarmasi mast holda avtomobil boshqargan haydovchilar suratini e’lon qildi.

Xabarda aytilishicha, 2018-yilning 20-yanvar kuni, Toshkent shahar IIBB YHXB xodimlari tomonidan yo‘l-transport hodisalarining oldini olish hamda yo‘l harakati qoidabuzarliklariga yo‘l qo‘yilganlik holatlarini aniqlash borasida o‘tkazilgan tadbir davomida bir qator qonunbuzarlik holatlari aniqlandi.

Toshkent shahar IIBB xabariga ko‘ra, o‘tkazilgan tadbir jarayonida yo‘l harakati ishtirokchilari tomonidan jami 3029 ta qoidabuzarlik aniqlangan. Jumladan, mast holatda transport vositasini boshqarish — 30 ta, transport vositalarini hujjatsiz boshqarish – 81 ta, svetoforning taqiqlovchi chirog‘iga rioya qilmaslik – 72 ta, harakat davomida uyali telefondan foydalanish – 67 ta, odam tashishi qoidalarini buzish – 386 ta, tezlikni belgilangan me’yoridan oshirish – 218 ta, bo‘ysunmaslik - 14, xavfsizlik kamarini taqish qoidalariga bo‘ysunmaslik – 1239 ta.

Jami 163 ta transport vositalari jarima maydonchasiga qo‘yilgan. Hozirda ushbu yo‘nalishda tadbirlarning o‘tkazilishi davom ettirilmoqda.