Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

Adabiyot bo‘yicha Nobel mukofoti sovrindori vafot etdi

Adabiyot bo‘yicha Nobel mukofoti sovrindori vafot etdi

Foto: «Wikipedia»

Nobel mukofotini birinchi bo‘lib qo‘lga kiritgan qora tanli laureat, amerikalik yozuvchi Toni Morrison 88 yoshida vafot etdi. Bu haqda «Associated Press» xabar berdi.

Morrison kecha, 5-avgust kuni Nyu-Yorkdagi tibbiyot markazlaridan birida olamdan o‘tgan.

Toni Morrison — Nobel mukofotini adabiyot yo‘nalishida 1993-yili qo‘lga kiritgan. Uning ijodiy faoliyati Govard universiteti norasmiy yozuvchilar va shoirlar to‘garagida boshlagan. To‘garak uchrashuvlaridan biriga u moviy ko‘zlari bo‘lishni orzu qiluvchi qora tanli qiz haqidagi hikoyasi bilan keladi. Keyinchalik bu hikoya yozuvchi ayolning ilk romani — «Eng moviy ko‘zlar»ga asos qilib olingan.

«Ma’shuqa» romani esa Morrisonga 1988-yili Pulitser mukofotini keltirgan.

Orzular va poeziyaga boy romanlari bilan chinakam amerika hayotini jonlantirib bergani uchun Morrison keyinchalik Nobel mukofotiga loyiq topilgan.

 

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring