Bir muddat oldin «noqulay ob-havo sababli» xalqaro va shaharlararo avtobus qatnovi to‘xtatilganini e’lon qilgan Transport vazirligi oradan 2 soat o‘tib, Toshkent avtovokzalidan shaharlararo avtobuslar harakati «belgilangan jadval asosida» amalga oshirilayotganini xabar qildi.

Vazirlik o‘tgan 2 soat ichida nimalar o‘zgargani, ya’ni avvalgi qarorga nega kelingani-yu, harakat nega qayta tiklangani haqida izoh bermagan. Shunchaki, «ob-havo noqulayliklari tufayli avtobuslar harakati to‘xtab qolmasligi uchun barcha choralar ko‘rilayotgani» aytiladi, xolos.

Avtobuslar qatnovi harakat jadvali to‘g‘risidagi ma’lumotlar kundalik berib boriladi.

Jumladan, bugungi qatnovlar ro‘yxati:

• 15:00 | Toshkent – Urgench – 155 000 so‘m
• 16:00 | Toshkent – Qorako‘l – 95 000 so‘m
• 17:00 | Toshkent – Uzun – 135 000 so‘m
• 18:00 | Toshkent – Buxoro – 89 000 so‘m
• 18:00 | Toshkent – Termiz – 119 000 so‘m
• 18:30 | Toshkent – Xiva – 155 000 so‘m
• 18:30 | Toshkent – Denov – 125 000 so‘m
• 19:00 | Toshkent – Termiz – 119 000 so‘m
• 19:30 | Toshkent – Buxoro – 89 000 so‘m
• 20:30 | Toshkent – Buxoro – 89 000 so‘m

Yo‘lovchilar chiptalarni «Toshkent» avtovokzali chiptaxonalaridan hamda avtoticket.uz yagona interaktiv axborot portali orqali onlayn tarzda sotib olishlari mumkin.