Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

Diyetolog bananning foyda va zarari haqida to‘xtaldi

Diyetolog bananning foyda va zarari haqida to‘xtaldi

Foto: «Worldphotoviral.com»

Rossiyalik diyetolog Mixail Ginzburg «Zvezda» telekanaliga bergan intervyusida bananlarning foydasi va zarari haqida to‘xtalib o‘tdi.

Uning so‘zlariga ko‘ra, banan boshqa mevalardan ko‘ra foydaliroq emas, lekin ancha kaloriyali.

«100 gramm banan tarkibida chamasi 70-80 kaloriya bor. Taqqoslash uchun, 100 gramm olmada 56 kaloriya, apelsinda esa 50-52 kaloriya mavjud», — deydi ekspert.

Ginzburgning so‘zlariga ko‘ra, banan uyqusizlikni yengishga yordam beradi, degan da’vo ancha munozarali. Uning ta’kidlashicha, serotonin, melatonin ishlab chiqarishni rag‘batlantiruvchi ozuqalar bor.

«Menimcha, uyqusizlik ikkinchi darajali masala. Deylik, kimningdir to‘lanmagan qarzi yoki oilaviy muammosi bo‘lsa, banan unga yordam berishi dargumon», — dedi u.

Bananning asosiy foydasi erimaydigan oziq tolasi tarkibidagi sellyuloza va kletchatka hisoblanadi, deydi diyetolog. Ular qondagi qand miqdorini tartibga solishga, shuningdek, ichakning me’yorda ishlashiga yordam beradi.

Shunday bo‘lsa-da, Ginzburgning ta’kidlashicha, banan har qanday kasalliklarni davolovchi vosita hisoblanmaydi. Chunki undagi to‘qimalar barcha meva-sabzavotlarda uchraydi.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring