Bayram va muhim sanalar

• Jahon parkinson kasalligiga qarshi kurash kuni.
• Xalqaro fashist konslagerlari asirlari ozod etilgan kun.
• Milliy qahramonlar kuni (Kosta-Rika).
• Ibodat kuni (Liberiya).
• Ozodlik kuni (Uganda).

Voqea-hodisalar

• 217-yil — Makrin Rim imperatori bo‘ldi.
• 491-yil — Flaviy Zenonning o‘limidan so‘ng Anastasiy I Vizantiya taxtiga o‘tirdi.
• 1111-yil — Rim papasi Pasxaliy II Germaniya qiroli Genrix V tomonidan o‘g‘irlandi.
• 1241-yil — Vengriya qiroli Bela IV Botuxon tomonidan tor-mor etildi.
• 1512-yil — Ravenna bo‘sag‘asidagi jang. Fransiya va Muqaddas liga armiyalari o‘rtasidagi jang fransuzlarning g‘alabasi bilan tugadi.
• 1803-yil — Fransiya tashqi ishlar vaziri Sharl Taleyran Luizianani AQShga sotish taklifini kiritdi. Keyinchalik AQShga qarashli bu yerlarda 15 ta shtat (to‘liq va qisman) tuzilgan.
• 1814-yil — Fontenblodagi shartnoma bilan Oltinchi koalitsiya urushi nihoyasiga yetadi. Napoleon Bonapart Elba oroliga surgun qilindi.
• 1868-yil — Yaponiyada syogunatning bekor qilinishi.
• 1899-yil — Ispaniya Puerto-Riko orolini AQShga topshirdi.
• 1909-yil — bir yildan so‘ng Tel-Aviv deb atala boshlangan shaharga asos solindi.
• 1919-yil — Xalqaro mehnat tashkiloti tuzildi.
• 1945-yil — Buxenvald konslageri asirlari isyon ko‘tarib ozodlikka chiqishdi.
• 2002-yil — Venesuelada davlat to‘ntarishi qilishga urinish yuz berdi.
• 2011-yil — Minsk (Belarus) metrosining «Oktyabrskaya» stansiyasida portlash yuz berdi. Terrorchilar xurujidan 15 kishi halok bo‘ldi, 203 kishi jarohatlandi.

Tavallud kunlari

• 146-yil — Lutsiy Septimiy Sever, Rim imperatori.
• 1357-yil — Juan I Buyuk, Portugaliya qiroli, avislar sulolasi asoschisi.
• 1492-yil — Margarita Navarrskaya, fransuz malikasi, qirol Fransisk I ning opasi, Fransiyaning birinchi ayol yozuvchilaridan biri.
• 1755-yil — Jeyms Parkinson, ingliz shifokori. U 1817-yili bemorda qo‘llarning titrashi, mushaklar qotishi, harakatlarning sustlashib borishi va qadam tashlashning sekinlashuvi kuzatiladigan asab kasalligiga aniq tashxis qo‘ydi va shundan beri bu kasallik uning nomi bilan — parkinson kasalligi deb atala boshlagan.
• 1907-yil — Frenk Uittl, ingliz muhandisi, ilk reaktiv dvigatellardan birini loyihalagan.
• 1908-yil — Masaru Ibuka, «Sony» kompaniyasi asoschilaridan biri.
• 1948-yil — Marchello Lippi, italiyalik futbol murabbiyi.
• 1953-yil — Endryu Uayls, ingliz matematigi, Fermaning buyuk teoremasini isbotlab bergan.