«Apple» va «Samsung» yana sudda uchrashdi
«Apple» va «Samsung» 2012-yil 14-maydagi ish bo‘yicha sudda uchrashdi. O‘shanda Amerika kompaniyasi «iPhone» dizaynini o‘g‘irlaganlikda ayblab raqobatchisini sudga bergandi, deb xabar beradi «BBC».
«Apple» moliyaviy kompensatsiya olishni istaydi. 2012-yili ular moliyaviy zararni qariyb milliard dollarga baholashgandi, 2013-yili bu talabni 290 million dollarga tushirishdi. Qizig‘i, sud «Samsung»ning aybini isbotlab bera olmadi. Kompaniya dizaynning faqatgina bir elementi o‘xshashligini, qurilmaning qolgan qismlari original ekani bilan o‘zini oqlagan.
Sudlashuvlar 2016-yilgacha davom etgan. Endi 2018-yilning mayida «Apple» yana da’vo bilan chiqdi. Stenford universiteti professori so‘zlariga ko‘ra, kompaniya kompensatsiya sifatida olishi mumkin bo‘lganidan ham ko‘proq pulni yuristlarga sarflamoqda. U bu ish haliyam yopilmaganidan hayronligini bildirgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter