Ushbu haftada Massimo Di Palermo teatrida, Yevropaning markaziy televideniyesi jonli efirida konsert dasturi bo‘lib o‘tdi. Mutaxassislar bu dasturni zamonaviy mumtoz musiqada inqilobiy voqea deb baholashmoqda.

Dunyoga mashhur dirijyor Velber o‘tkazgan konsertda Gaydn va Shuman asarlari puxta tanlandi va dasturning kulminatsiyasida – Yevropaning yetakchi bastakori, o‘zbekistonlik Aziza Sodiqovaning yangi asari ijro etildi.

Mutaxassislarning sharhlariga ko‘ra, konsert musiqiy uslublarning mohirona ijrolari bilan, ayniqsa, Azizaning o‘ziga xos ijodi bilan shov-shuvlarga sabab bo‘ldi.

BBC Aziza Sodiqovani jahon musiqasining 100 ta eng nufuzli ayollari ro‘yxatiga kiritdi. Chunki dunyoning eng zo‘r orkestr va dirijyorlari unga musiqa yozib berishini so‘rab buyurtmalar berishmoqda.

Ma’lumot uchun:

Aziza Sodiqova 1978-yilning 6-oktyabrida Toshkent shahrida tug‘ilgan. 6 yoshidan boshlab Uspenskiy nomidagi maxsus musiqa maktab-internatida ta’lim olgan. Toshkent davlat konservatoriyasining bastakorlik fakultetini bitirgan.

1999-yilda Uilyam Shekspirning «Romeo va Juletta» fojiasiga yozgan musiqasi Azizaning o‘ziga xos iste’dodi qirralarini ochib berdi va u Angliyadagi Sheksper teatrida katta muvaffaqiyat bilan ijro etildi.