Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

Farg‘onada velosipedlar ham jarima maydoniga joylashtirilmoqda

Farg‘onada velosipedlar ham jarima maydoniga joylashtirilmoqda

Illyustrativ foto.

Foto:«Xalq so‘zi»

Farg‘onada texnik holati talabga javob bermaydigan velosipedlar vaqtinchalik jarima maydoniga olib kirilmoqda. Bu haqda Qo‘qon shahar hokimligi o‘z sahifasida xabar bergan. 
 
«Farg‘ona viloyatida joriy yilning o‘tgan 9 oyi davomida jami 635 ta yo‘l-transport hodisasi sodir bo‘lgan bo‘lsa, unda 150 nafar fuqaro halok bo‘lgan.
 
Tahlillarga ko‘ra, sodir bo‘lgan yo‘l-transport hodisalarining 29 foizi velosipedchilar hissasiga to‘g‘ri kelmoqda.
 
2020-yilning 9 oyi davomida velosipedchilar ishtirokida 186 ta yo‘l-transport hodisasi sodir bo‘lib, ushbu hodisalarda 38 nafar fuqaro halok bo‘lgan, 155 nafari esa turli darajadagi tan jarohati olgan.
 
Aniqlangan kamchiliklarni bartaraf etish maqsadida joriy yilning 20-oktyabridan 22 oktyabriga qadar 489 ta velosiped vaqtinchalik jarima maydoniga olib kirilgan bo‘lsa, 13 nafar fuqaro mast holda velosipedda harakatlanganligi uchun tegishli tartibda chora ko‘rildi» - deyiladi xabarda.
 
Avvalroq, Farg‘onada jamoat joylarida karantin qoidalariga amal qilmay, niqobsiz harakatlangan fuqarolarni videofotofiksatsiya vositalari orqali aniqlash amaliyotini yo‘lga qo‘yilgani xabar qilingandi. 
 
Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring