Germaniya eks-prezidentining o‘g‘lini klinikada ma’ruza o‘qiyotganda o‘ldirishdi
1984-yildan 1994-yilgacha Germaniya prezidenti bo‘lgan Rixard fon Vayszekkerning o‘g‘li, shifokor Frits fon Vayszekker seshanba kuni Berlindagi «Schlosspark-Klinik» klinikasida ma’ruza vaqtida pichoqdan olgan jarohatlari tufayli hayotdan ko‘z yumdi, deya xabar berdi «RBB» teleradiokompaniyasi.
Politsiyaning ma’lum qilishicha, hodisa Berlin g‘arbida joylashgan Sharlottenburgdagi klinikada mahalliy vaqt bilan taxminan soat 18:50 da sodir bo‘lgan. Leksiyada qatnashayotgan kishilardan biri jinoyatchiga to‘sqinlik qilishga uringan va og‘ir jarohatlar bilan shifoxonaga tushgan.
Politsiya klinika hududida gumondor shaxsni qo‘lga olgan. Hozir tergov harakatlari olib borilmoqda.
Ta’kidlanishicha, Frits fon Vayszekker 2005-yildan «Schlosspark-Klinik» bosh shifokori hisoblanadi. Seshanba kuni jigar muammolariga bag‘ishlab ma’ruza qilayotgan bo‘lgan. 2015-yilda vafot etgan Germaniya eks-prezidentining o‘g‘li 59 yoshda edi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter