Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

Uchtasi birda: xorijda bepul o‘qish, pul mukofoti va rahbarlik lavozimi

Uchtasi birda: xorijda bepul o‘qish, pul mukofoti va rahbarlik lavozimi

«Taraqqiyot» tanloviga arizalar qabuli boshlandi. Tanlov g‘oliblari rivojlangan davlatlarda o‘z sohasi bo‘yicha 3 oylik malaka oshirish kurslarida o‘qish, pul mukofoti bilan taqdirlanishi va eng asosiysi, davlat tashkilotlarida rahbarlik lavozimiga tayinlanishi belgilangan.

Buning uchun, nomzodlar tayanch oliy ma’lumotga va tegishli sohada rahbarlik lavozimida kamida 3 yillik ish tajribasiga ega, 30 yoshdan 45 yoshgacha bo‘lgan (45 yosh ham qo‘shilgan holda) O‘zbekiston Respublikasi fuqarolari bo‘lishi shart.

Tanlov nominatsiyalari:

  1. Davlat va jamiyat boshqaruvi sohasidagi eng yaxshi boshqaruvchi.
  2. Sud-huquq sohasidagi eng yaxshi boshqaruvchi.
  3. Moliya-kredit sohasidagi eng yaxshi boshqaruvchi.
  4. Sanoat sohasidagi eng yaxshi boshqaruvchi.
  5. Axborot texnologiyalari va kommunikatsiyalari sohasidagi eng yaxshi boshqaruvchi.
  6. Qishloq va suv xo‘jaligi sohasidagi eng yaxshi boshqaruvchi.
  7. Arxitektura va qurilish sohasidagi eng yaxshi boshqaruvchi.
  8. Kommunal xo‘jalik sohasidagi eng yaxshi boshqaruvchi.
  9. Soliq va bojxona sohasidagi eng yaxshi boshqaruvchi.
  10. Ekologiya va atrof-muhit muhofazasi sohasidagi eng yaxshi boshqaruvchi.
  11. Ta’lim, fan va innovatsiya sohasidagi eng yaxshi boshqaruvchi.
  12. Sog‘liqni saqlash sohasidagi eng yaxshi boshqaruvchi.
  13. Madaniyat, san’at va sport sohasidagi eng yaxshi boshqaruvchi.
  14. Tashqi siyosat, tashqi iqtisodiy faoliyat va turizm sohasidagi eng yaxshi boshqaruvchi.
  15. Makroiqtisodiyot va hududiy rivojlanish cohasidagi eng yaxshi boshqaruvchi.
  16. Transport va logistika sohasidagi eng yaxshi boshqaruvchi.

Arizalar joriy yilning 30 oktyabriga qadar https://taraqqiyot-tanlov.uz/ sayti orqali onlayn qabul qilinadi.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring