«Instagram» xaridlarni amalga oshirish funksiyasini joriy etdi
«Instagram» ijtimoiy tarmog‘ining matbuot xizmati xaridlarni amalga oshirish imkonini beruvchi funksiya ishga tushirilganini ma’lum qildi. Endilikda foydalanuvchilar «Stories» bo‘limi orqali bir nechta firmalarning mahsulotlarini xarid qila oladi, deb xabar berdi «NV.ua».
Xususan, kompaniyalar qatoridan «Adidas», «Louis Vuitton», «Aritzia» va «Kooples» o‘rin olgan.
Brendlar o‘zlarining «Stories»iga bir nechta teglarni qo‘shishi va bu orqali foydalanuvchining sahifasiga xaridlarni to‘g‘ridan to‘g‘ri yuborishi mumkin. Shu bilan birga foydalanuvchi «Instagram» mobil dasturidan tashqariga chiqishi shart emas.
Yangi funksiya ijtimoiy tarmoq foydalanuvchilari orasida o‘tkazilgan so‘rov natijalari asosida yaratilgan.
Eslatib o‘tamiz, 18-may kuni «Instagram» ijtimoiy tarmog‘i repost fuksiyasini ham joriy etgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter