IShID o‘tgan hafta Suriyaning shimolida AQSh maxsus xizmati tomonidan o‘ldirilgan Bag‘dodiyning vorisini oshkor qildi. Bu haqda Euronews xabar bermoqda. 

Yangi rahnamoning ismi sharifi Abu Ibroxim al-Hoshimiy al-Qurayshiy ekani ma’lum bo‘ldi.

Katta ehtimol bilan Hoshimiy uning laqabi yoki «taxallusi» hisoblanadi.

U haqida IShIDning bayonotida deyarli hech narsa aytilmagan. 

Al-Hoshimiy o‘zini quraysh qabilasidan chiqqan deb hisoblaydi.

Shuningdek, terrorchilarning yangi vakili ham ma’lum qilindi, endilikda guruh nomidan barcha bayonotlarni Abu Xamza al-Qurashiy beradi. Ushbu vazifani bajargan guruhning oldingi a’zosi Abu Hassan al-Muhojir Bag‘dodiyning o‘limidan bir necha soat o‘tgach, o‘tkazilgan operatsiya davomida yo‘q qilingandi.

Ma’lumot o‘rnida, IShID 2014-yili Suriya va Iroq hududlarining katta qismini egallab olgandan sung, halifalik to‘zilganini e’lon qilgandi. Shundan beri guruh vakillari tomonidan Yaqin Sharq mamlakatlarida qo‘poruvchilik harakatlarini olib borilmoqda.