Janubiy Koreya prezidenti Trampga Nobel mukofoti berishni taklif qildi
Janubiy Koreya prezidenti Mun Chje In AQSh prezidenti Donald Trampga Nobel tinchlik mukofotini berishni taklif qildi. Bu haqda «Gazeta.ru» xabar qilmoqda.
Mun Chje Inning fikricha, Tramp Shimoliy Koreya bilan munosabatlarning yaxshilanishiga qo‘shgan hissasi uchun ushbu mukofotga loyiq.
2000-yilda Koreya Respublikasi prezidenti Kim De Chun Kim Chen Ir bilan uchrashuvni tashkil qilgani uchun Nobelga sazovor bo‘lgan edi. Uning bevasi diplomatik aloqalarning yo‘lga qo‘yilishidagi harakatlari uchun mukofotni Mun Chje In olishi kerak deb hisoblamoqda.
«Nobel tinchlik mukofotini prezident Tramp olishi kerak. Bizga kerak bo‘lgan yagona narsa tinchlikdir», — degan Mun Chje In bu taklifga javoban.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter