Xabarlar tezkor Telegram kanalimizda Obuna bo'lish ×

Shahnoza Soatova

Ki har ne olami sug‘roda mavjud, Bori bu olami kubroda mavjud. (Alisher Navoiy)

Tikilib qaradim, biroq, ko‘z ilg‘amas kunduzgi chiroq

Tikilib qaradim, biroq, ko‘z ilg‘amas kunduzgi chiroq

Foto: IIBB matbuot xizmati

Birovning boshliq bo‘lgisi kelibdi. Arz qilaverib kattakonlarni bezor etibdi. Oxiri unga bir hovuzni ko‘rsatishibdi-da, ol ana, shu hovuzga boshliq bo‘laqol deyishibdi.

Uyam boshliqman deb hovuz bo‘yiga yotvolibdi-da, o‘z qoidalarini joriy eta boshlabdi.

― Hoov, sen nima uchun suv olyapsan? Mol sug‘orishga? Narigi tomondan ol!

― Gul sug‘orishga bu burchakdan olinadi.

― Chap tomonda cho‘milish qat’iy man etiladi, faqat o‘ng tomonda mumkin!

Bir kimsa so‘rabdi oxiri:

― Bu ishingda mantiq ne? Baribir hamma suv bitta hovuzda-ku!

― Ha endi, men boshliqman, o‘z qoidalarimni o‘rnatishim kerak-da! ― degan ekan.

Bu latifani taksi haydovchisi kunduzi chiroq yoqish mavzusida gapira turib aytib berdi.

P.S.: Yo‘lovchi o‘laroq mashinalarga tikilib qaradim: chiroqlarni uzoqdan ilg‘ab bo‘lmayapti, quyosh halaqit beryapti.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring