Maktab direktori o‘qishga kirgan o‘quvchilarining kontrakt pulini to‘lab berishni va’da qildi
Kuni kecha mamlakatimizning barcha ta’lim maskanlarida bo‘lgani kabi Navoiy viloyati, Karmana tumanidagi 31-umumta’lim maktabida ham bitiruvchilarning so‘nggi qo‘ng‘iroq tadbiri bo‘lib o‘tdi.
Maktab direktori Qahhor Xalilov prezident Shavkat Mirziyoyevning maktab bitiruvchilariga yo‘llagan tabrigini o‘qib eshittirdi.
Maktab direktori so‘zini yakunlar ekan, maktab bitiruvchilari to‘lov-kontrakt asosida o‘qishga kirsa, uning 50 foizini o‘z hisobidan to‘lab berishi, budjet asosida o‘qishga kirsa 1 million so‘mdan pul berishini ma’lum qildi.
Darvoqe, maktab direktori shuncha mablag‘ni qayerdan oladi, degan savol tug‘ilishi tabiiy.
Qahhor Xalilov bugungi zamonga mos tadbirkor va ishbilarmon rahbar. Davlatimiz tomonidan yaratilgan imkoniyatlardan oqilona foydalanib, o‘zining sohasi, ya’ni farzandlarimiz kamolotiga xizmat qiladigan nodavlat ta’lim muassasasini ham tashkil qilgan.
Baxtiyor Toshnazarov,
jurnalist
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter