Xabarlar tezkor Telegram kanalimizda Obuna bo'lish ×

Mudofaa vazirligida harbiy innovatsion tibbiy markaz ochildi (foto)

Mudofaa vazirligida harbiy innovatsion tibbiy markaz ochildi (foto)

Foto: Mudofaa vazirligi Axborot va ommaviy kommunikatsiyalar departamenti

14-avgust kuni Mudofaa vazirligida harbiy mobil innovatsion tibbiy markazning taqdimotiga bag‘ishlangan marosim bo‘lib o‘tdi.

Zamonaviy tibbiy asbob-uskunalar bilan jihozlangan va jahon talablariga to‘liq javob beruvchi mazkur harbiy mobil innovatsion markazning afzalligi shunda-ki, unda bir vaqtning o‘zida ikki nafar og‘ir ahvoldagi bemorga tibbiy xizmat ko‘rsatish, yana bir nafar bemorda jarrohlik amaliyoti o‘tkazish imkoniyati mavjud va u har qanday iqlim sharoitida ishlashga mo‘ljallangan.

Foto: Mudofaa vazirligi Axborot va ommaviy kommunikatsiyalar departamenti

– Ushbu markazda barcha murakkab jarrohlik amaliyotlari, jumladan, konikotamiya, traxeostamiya, laprosintez, tarakosintez, yurak jarrohatlanganda jarohat olgan qon tomirlarini tikish yoki vaqtincha shunt qo‘yish bajariladi, –deydi Mudofaa vazirligi tibbiy ta’minot boshqarmasi boshlig‘ining o‘rinbosari polkovnik Abdug‘ani Yuldashev.

Foto: Mudofaa vazirligi Axborot va ommaviy kommunikatsiyalar departamenti

Mobil markazda jarrohlik amaliyoti o‘tkazilayotganida jarohatga infeksiya tushishining oldini olish maqsadida maxsus to‘siq va ichkaridagi havoni tashqariga chiqaruvchi havo filtiri o‘rnatilgan. Shuningdek, bu yerda jarrohlik lampasi ustiga kamera joylashtirilgan bo‘lib, bu orqali joylardagi harbiy gospitallarning tajribali mutaxassislari jarayonni bevosita onlayn tarzda kuzatishlari, zarur holda o‘z tavsiya va maslahatlarini berishlari mumkin.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring