Namangan viloyatining Chust tumanida joriy yilning 26-aprel kuni 1978-yilda tug‘ilgan fuqaro A.B. viloyat IIBga ariza bilan murojaat qilib, o‘z singlisi N.X. tanishi Sh.D. orqali uni qasddan o‘ldirish uchun qotil yollaganini bildirgan. Buning uchun 1,5 mln. so‘m va 50 AQSh dollari berganligi, qotillik jinoyatini amalga oshirgandan so‘ng yana qo‘shimcha ravishda 1000 AQSh dollari berishini va’da qilayotganligini ham qo‘shimcha qilgan.

Mazkur ariza yuzasidan o‘tkazilgan tezkor tadbirlar davomida buyurtmachining tanishlari N.X. va M.A. ayolga qo‘ng‘iroq qilib, akasini qasddan o‘ldirish shartini telefon orqali qayta kelishib oladi va bu so‘zlashuv yozib olinadi. Shundan so‘ng A.B.ning yashash uyida go‘yoki, uni qasddan o‘ldirilganligi holati sahnalashtirilib, bu haqda Sh.D. buyurtmachi, yangi singilga xabar qiladi.

Shu kuni aksini o‘ldirishga qotil yollagan singil o‘z uyi oldida Sh.D.ga 100 ming so‘m bergan vaqtida ichki ishlar organlari tezkor guruhi tomonidan qo‘lga olingan. Mazkur holat yuzasidan N.X. va M.A.larga nisbatan O‘zbekiston Respublikasi Jinoyat kodeksining 25 va 97-moddasi 2-qismi bilan jinoyat ishi qo‘zg‘atilib, hozirda tergov harakatlari olib borilmoqda.