Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

«Qariyotgan sayyora». Jahonda keksalar soni bolalar sonidan oshdi

«Qariyotgan sayyora». Jahonda keksalar soni bolalar sonidan oshdi

Foto: «RIA Novosti»

Insoniyat tarixida ilk marotaba keksa insonlar soni besh yoshgacha bolalar sonidan oshib ketdi. Va bu tafovut oshib boryapti: 2050 yilga borib besh yoshgacha bo‘lgan har bir bolaga ikkitadan ko‘prok keksa inson to‘g‘ri keladi. BMTning ushbu ma’lumotlarini «BBC» o‘z saytida taqdim etdi.

BMT ma’lumotlariga ko‘ra, 2018-yilning oxiriga kelib, sayyoramizda yoshi 65 dan oshgan insonlar soni 705 million nafarni, besh yoshgacha bolalar soni 680 million nafarni tashkil etgan.

Demograflarning ta’kidlashlaricha, eng ko‘p keksalar rivojlangan mamlakatlarda yashaydi. Yana bir qonuniyat — eng kam tug‘ilish ham shu mamlakatlarda.

— Bolalar sonining juda ozligi va aksincha, 65 yoshdan oshganlarning juda ko‘pligi jahon hamjamiyatini muvozanatda saqlab turishni o‘ta murakkablashtiradi, — dedi Vashington universiteti qoshidagi Sog‘liqni saqlash holatini baholash instituti direktori, ushbu doklad muallifi Kristofer Marrey.

Olimning aytishicha, ushbu holat nafaqat iqtisodiyot, balki mamlakatlarning kelajagini ham savol ostiga qo‘yadi. Agarda bu tendensiya saqlanib qolsa juda ko‘p sonli keksalarni boqishga oz sonli yangi avlodning qurbi yetmay qolishi mumkin.

So‘nggi yarim asrda o‘rtacha umr ko‘rish ko‘rsatkichi sezilarli ravishda (52 yoshdan 72 yoshgacha) o‘sdi. Ya’ni pensiya va sog‘liqni saqlash tizimga yuklanish proporsional o‘sish bilan birga, aholining talabini qondirish uchun mamlakatlarga tobora ko‘proq yangi resurslar kerak bo‘lmoqda.

BMT tadqiqotiga ko‘ra, eng ko‘p keksalar Yaponiyada yashaydi — aholisining 27 foizi. Ikkinchi o‘rinda Italiya — aholisining 23 foizi keksalar. Uchinchi o‘rinda Yevropa ittifoqi — 19,7 foiz. Keyingi o‘rinlarda AQSh (15,4 foiz),Rossiya (14,1 foiz), Xitoy, Braziliya, Turkiya, Hindiston, Eron.

Ma’ruzaga Jahon banki ma’lumotlari ham ilova qilingan: unga ko‘ra, 1960-yilda tug‘ilish ko‘rsatkichi har bir ayol uchun qariyb besh bolani tashkil etgan, ayni paytda esa bu ko‘rsatkich 2,4 nafarga tushib ketgan.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring