Qozog‘istonda benzin taqchilligini yo‘qotishning yo‘li topildi
Qozog‘istonda ayni vaqtda neftni qayta ishlovchi uchta zavod faoliyat ko‘rsatib, mazkur zavodlar yonilg‘i-moylash materiallarining asosiy turlari bo‘yicha faqat o‘rta muddatli istiqbolgacha ichki bozor ehtiyojlarini qoplay oladi. Bu haqda «Kazinform» AA xabar bermoqda.
Ta’kidlanishicha, agentlikning rasmiy so‘roviga Qozog‘iston Respublikasi Energetika vazirligi javob yo‘llagan bo‘lib, unda Qozog‘istonda neftni qayta ishlovchi to‘rtinchi zavodni qurishni tahlil qiluvchi ishchi guruh tomonidan mamlakatning avtobenzin, dizel yoqilg‘isi va aviakerosinga bo‘lgan ehtiyoji o‘rganib chiqilib, ma’lum xulosaga kelingani bayon qilingan.
Unga ko‘ra, Qozog‘istonda 2021-yilda avtobenzin, 2023-yilda dizel yoqilg‘isi, 2026-yilda aviakerosin taqchilligi yuzaga kelishi mumkin.
Shu boisdan 2022-yilgacha Qozog‘istonda neftni qayta ishlovchi yangi zavod quriladi. Bu haqda Qozog‘iston Energetika vaziri Kanat Bozumbayev ma’lum qilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter