Россия Мудофаа вазири Сергей Шойгу Ўзбекистонга ташриф буюрди
Россия Федерацияси Мудофаа вазири, армия генерали Сергей Шойгу бошчилигидаги ҳарбий делегация кеча кечқурун Тошкентга етиб келди. Бу ҳақда Мудофаа вазирлиги матбуот хизмати хабар берди.
Бугун эрталаб Ўзбекистон Мудофаа вазири генерал-майор Абдусалом Азизов Сергей Шойгуни кутиб олиши режалаштирилган. Ташриф давомида икки мамлакат мудофаа вазирликлари ўртасида ҳарбий, ҳарбий-техник ва ҳарбий таълим йўналишлари бўйича ўзаро ҳамкорликнинг истиқболдаги режалари хусусида сўз юритилади.
Шунингдек, ташриф доирасида Россия Федерацияси Мудофаа вазири Қуролли кучлар академиясида бўлиб, Ўзбекистонда етук ҳарбий кадрларни тайёрлашнинг замонавий жараёнлари билан танишади. Шунингдек, ҳукумат даражасидаги бир қанча учрашувлар ўтказиши кўзда тутилган.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter