Shavkat Mirziyoyev Rossiya prezidentiga hamdardlik bildirdi
Prezident Shavkat Mirziyoyev Moskva shahrining «Sheremetevo» aeroportida samolyotning favqulodda qo‘nishi oqibatida insonlar halok bo‘lgani munosabati bilan Rossiya Federatsiyasi prezidenti Vladimir Putinga hamdardlik maktubi yo‘lladi.
Davlatimiz rahbari halok bo‘lganlarning yaqinlariga samimiy ta’ziya va hamdardlik bildirib, jarohat olganlarning tez fursatda sog‘ayishlarini tiladi.
Eslatib o‘tamiz, 5-may kuni Moskvadagi Sheremetevo aeroportida Moskva — Murmansk yo‘nalishida harakatlanuvchi yo‘lovchi samolyoti qo‘nish chog‘ida yonib ketgandi. Avvaliga besh kishi jabrlangani, so‘ng halok bo‘lganlar soni o‘n nafarni tashkil etishi aytilgandi.
So‘nggi xabarlarga ko‘ra, samolyotda ekipaj bilan qo‘shib hisoblaganda 78 kishi bo‘lgan. Tergov qo‘mitasi ulardan 37 nafari tirik qolgani, 41 kishi esa halok bo‘lganini ma’lum qildi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter