Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

«Toshkentda birga-bir gaplashadigan GAI» videosiga izoh berildi

«Toshkentda birga-bir gaplashadigan GAI» videosiga izoh berildi

Foto: YHXBB

Ijtimoiy tarmoqda «Toshkentda birga bir gaplashadigan GAI» sarlavhasi ostida tarqalgan video yuzasidan rasmiy ma’lumot berildi.

Qayd etilishicha, joriy yilning 22 iyul kuni soat 23:00 larda, Toshkent shahar, Mirobod tumani, Shahrisabz va T.Shevchenko ko‘chalari kesishgan chorrahada YPX xodimlari O.Nazirov va F.Atayevlar tomonidan «Lasetti» rusumli avtomobil haydovchisi to‘xtatilgan.

Tekshiruv davomida fuqarolik javobgarligini majburiy sug‘urta qilish bo‘yicha sug‘urta polisining amal qilish muddati o‘tganligi va o‘z muddatida to‘lanmagan jarimalari mavjudligi aniqlangan.

YPX xodimi tomonidan qoidabuzarlik bo‘yicha bayonnoma tuzilgan. Haydovchi o‘z muddatida to‘lanmagan jarimalarni shu joyning o‘zida onlayn tarzda bartaraf qilgan. Shundan so‘ng, haydovchi transport vositasi texnik ko‘rikdan o‘tganligi to‘g‘risidagi talon yo‘qolib qolganligini aytib, YPX xodimiga e’tirozlar bildirgan.

Mazkur holat yuzasidan Toshkent shahar IIBB YHXB tomonidan surishtiruv harakatlari olib borilmoqda.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring