Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

Toshkentning to‘rtta tumani soliq inspeksiyasida boshliq o‘zgardi

Toshkentning to‘rtta tumani soliq inspeksiyasida boshliq o‘zgardi

Foto: «Xabar.uz»

O‘zbekiston Respublikasi Davlat soliq qo‘mitasi rahbariyatining 2018-yil 8-avgustdagi buyrug‘iga asosan Toshkent shahrining to‘rtta tuman davlat soliq inspeksiyalariga yangi boshliq tayinlandi. Bu haqda qo‘mita matbuot xizmati xabar berdi.

G‘iyos Do‘smuxammedov – Toshkent shahar Yashnobod tumani davlat soliq inspeksiyasi boshlig‘i lavozimiga tayinlandi.

G‘.Do‘smuxammedov 1968-yilda tug‘ilgan, ma’lumoti oliy, iqtisodchi. 1999-yili Toshkent moliya institutini tamomlagan.

Soliq organlaridagi mehnat faoliyatini 1994-yilda Toshkent shahar Yunusobod tumani davlat soliq inspeksiyasi Jismoniy shaxslarni soliqqa tortish bo‘limi davlat soliq inspektori vazifasidan boshlagan. Keyinchalik tuman davlat soliq inspeksiyasi bo‘lim boshlig‘i, inspeksiya boshlig‘i o‘rinbosari,  Toshkent shahar davlat soliq boshqarmasi bo‘lim boshlig‘i lavozimlarida faoliyat yuritgan.

G‘.Do‘smuxammedov 2018-yil iyun oyidan buyon Toshkent shahar Yakkasaroy tumani davlat soliq inspeksiyasi boshlig‘i vazifasini bajaruvchisi lavozimida ishlab kelayotgan edi.

Ravshan Raimov – Toshkent shahar Chilonzor tumani davlat soliq inspeksiyasi boshlig‘i lavozimiga tayinlandi.

R.Raimov 1976-yilda tug‘ilgan, ma’lumoti oliy, iqtisodchi-matematik. 1998-yili Toshkent davlat iqtisodiyot universitetini tamomlagan.

Soliq organlaridagi mehnat faoliyatini 1999-yilda Toshkent shahar Chilonzor tumani davlat soliq inspeksiyasi Jismoniy shaxslarni soliqqa tortish bo‘limi davlat soliq inspektori vazifasidan boshlagan. Keyinchalik tuman davlat soliq inspeksiyasi bo‘lim boshlig‘i, inspeksiya boshlig‘i o‘rinbosari,  Toshkent shahar davlat soliq boshqarmasi bo‘lim boshlig‘i lavozimlarida faoliyat yuritgan. 2017-yil oktyabr oyidan buyon Davlat soliq qo‘mitasi bosh boshqarma boshlig‘i lavozimida ishlab kelayotgan edi.

Shokirbek Isoqov – Toshkent shahar Uchtepa tumani davlat soliq inspeksiyasi boshlig‘i lavozimiga tayinlandi.

Sh.Isoqov 1962-yilda tug‘ilgan, ma’lumoti oliy, iqtisodchi. 1986-yili Toshkent xalq xo‘jaligi institutini tamomlagan.

Soliq organlaridagi mehnat faoliyatini 1995-yilda Toshkent shahar Sirg‘ali tumani davlat soliq inspeksiyasi savdo korxonalari va xizmat ko‘rsatish tarmoqlarini nazorat qilish bo‘limi davlat soliq bosh inspektori vazifasidan boshlagan. Keyinchalik tuman davlat soliq inspeksiyasi bo‘lim boshlig‘i, inspeksiya boshlig‘i o‘rinbosari,  Toshkent shahar davlat soliq boshqarmasi davlat soliq bosh inspektori lavozimlarida faoliyat yuritgan.

Sh.Isoqov 2017-yil aprel oyidan buyon Toshkent viloyati Chirchiq shahar davlat soliq boshlig‘i vazifasini bajaruvchisi lavozimida ishlab kelayotgan edi.

Alovitdin Inog‘omov – Toshkent shahar Bektemir tumani davlat soliq inspeksiyasi boshlig‘i lavozimiga tayinlandi.

A.Inog‘omov 1980 yilda tug‘ilgan, ma’lumoti oliy. 2009-yili Toshkent moliya institutini soliqlar va soliqqa tortish yo‘nalishi bo‘yicha tamomlagan.

Soliq organlaridagi mehnat faoliyatini Toshkent shahar Yunusobod tuman davlat soliq inspeksiyasi Buxgalteriya hisobi va ta’minoti bo‘limi 1–darajali hisobchi vazifasidan boshlagan. Keyinchalik tuman davlat soliq inspeksiyasi sho‘’ba boshlig‘i, Toshkent shahar davlat soliq boshqarmasi bo‘lim boshlig‘i lavozimlarida faoliyat yuritgan.

A.Inog‘omov 2018-yil mart oyidan buyon Toshkent shahar davlat soliq boshqarmasi boshlig‘ining o‘rinbosari vazifasini bajaruvchisi lavozimida ishlab kelayotgan edi.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring