Xabarlar tezkor Telegram kanalimizda Obuna bo'lish ×

Yangi avtomobil sotib olishda yo‘l jamg‘armasi yig‘imi qanday to‘lanadi? Yangi tartib

Yangi avtomobil sotib olishda yo‘l jamg‘armasi yig‘imi qanday to‘lanadi? Yangi tartib

Foto: «Xabar.uz»

Oktyabr oyida Respublika yo‘l jamg‘armasiga yig‘im to‘lashning yangi tartibi kuchga kiradi, unga ko‘ra yig‘im avtotransport vositalari ishlab chiqaruvchilari tomonidan to‘lanadi.

Ushbu qaror O‘zbekiston Respublikasi Prezidentining «O‘zbekiston Respublikasi avtomobil sanoatini jadal rivojlantirishga oid qo‘shimcha chora-tadbirlar to‘g‘risida»gi Qaroriga muvofiq iste’molchilar uchun mahalliy ishlab chiqarilgan avtotransport vositalarini sotib olish sharoitlarini yaxshilash maqsadida qabul qilingan.

Yangi tartibga ko‘ra:
— 2019 yilning 1 oktyabrigacha tuzilgan yangi transport vositalarini oldi-sotdi (yetkazib berish) shartnomalari bo‘yicha xarid qilingan yangi transport vositalari uchun to‘lov tartibi avvalgidek saqlanib qoladi – yig‘im YHXBB organlarida amalga oshiriladi.

— 2019 yilning 1 oktyabridan e’tiboran tuzilgan shartnomalar bo‘yicha xarid qilingan avtomobillar uchun Respublika yo‘l jamg‘armasiga amalga oshiriladigan to‘lov avtomobil narxiga qo‘shiladi va to‘g‘ridan-to‘g‘ri mahalliy transport vositalari ishlab chiqaruvchilari tomonidan to‘lanadi.

To‘lovning yangi tartibi faqat yangi mahalliy transport vositalariga («UzAuto Motors» AJ, «SamAvto» QK MChJ, «JV MAN Auto-Uzbekistan» QK MChJ, «UzAuto Trailer» MChJ) tegishli. Ikkilamchi bozorda sotib olingan va import bilan olib kirilgan transport vositalarini ro‘yxatdan o‘tkazish uchun to‘lovni to‘lash tartibi o‘zgarmadi.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring