Yaponiya pochtasi haydovchisiz avtomobillardan foydalanishni yo‘lga qo‘yadi
Yaponiya davlat pochta xizmati bir bo‘linmaning xat va jo‘natmalarini boshqa biriga yuborishda haydovchisiz boshqariladigan yuk mashinalaridan foydalanish niyatida, deb xabar berdi «Hi-News».
«Zamonaviy «avtopilot» funksiyasi bilan jihozlangan avtomobillar bemalol buni uddalay oladi. Bundan tashqari gazetalarni yetkazib berish orqali shu turdagi avtomobillarni shahar sharoitida yana bir bor sinovdan o‘tkazish mumkin bo‘ladi», — deydi tashkilot vakili.
Bir necha kun oldin Tokioda Yaponiya pochtasining ranglarida tushirilgan haydovchisiz boshqariladigan avtomobillar taqdim etilgan. Tantanali namoyishdan oldin mashina sinovdan ham o‘tkaziladi. U Yaponiya pochtasi shtab-kvartirasidan 2 kilometr uzoqlikdagi boshqa bo‘linmaga qatnaydi. Yo‘lda mashina bir marta to‘xtaydi.
Hozircha pochta ma’muriyati sinov qayerda va qachon o‘tkazilishini ochiqlamagan, biroq kompaniya kelajakda haydovchisiz boshqariladigan avtomobillarni yanada ko‘paytirishni rejalashtirmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter