Zangiotada «Matiz» haydovchisi urib yuborgan 20 yashar qiz vafot etdi
Zangiota tumanida «Matiz» avtomashinasi ishtirokida ro‘y bergan YTH 20 yoshli qizning o‘limiga sabab bo‘ldi. Bu haqda Toshkent viloyat IIB huzuridagi tergov boshqarmasi xabar berdi.
Qayd etilishicha, 2018-yil 25-mart kuni soat 02.00 larda Bekobod tumanida yashovchi, 1991-yilda tug‘ilgan, D.M. «Matiz» rusumli avtomashinani Zangiota tuman, Dadaxo‘jayev ko‘chasidan o‘tgan «Toshkent-Sergeli» avtomobil yo‘lining 1-kilometrida boshqarayotib, piyoda, Surxondaryo viloyatida yashovchi, 1997-yilda tug‘ilgan, M.Qobilovani urib yuborgan.
Oqibatda M.Qobilova og‘ir jarohatlar bilan kasalxonaga yotqizilgan. Kasalxonada ko‘rsatilgan tibbiy yordamga qaramay piyoda vafot etgan.
Mazkur holat yuzasidan Zangiota tuman IIB huzuridagi Tergov bo‘limi tomonidan jinoyat kodeksining 266-moddasi 2-qismi bilan jinoyat ishi qo‘zg‘atilib, tergov harakatlari olib borilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter