Bokschilarimiz 8 ta oltin medalga sazovor bo‘lishdi
Ozarbayjon poytaxti Boku shahri 24-27-may kunlari boks bo‘yicha yana bir xalqaro musobaqaga mezbonlik qildi. «Geydar Aliyevning 96 yilligi»ga bag‘ishlab tashkil etilgan nufuzli musobaqada ishtirok etgan yosh bokschilarimiz turnirni fantastik ko‘rsatkichlar bilan yakunlashdi, deb xabar bermoqda MOQ matbuot xizmati.
Musobaqani 10 nafar bokschi bilan boshladik. Yakunda esa 8 ishtirokchimiz final bosqichiga yetib bordi. E’tiborlisi, oltin medal uchun ringga ko‘tarilgan yosh charm qo‘lqop ustalarimizning barchasi raqiblarini mag‘lub etib, musobaqaga chiroyli yakun qilib berishdi. Qolgan ikki nafar vakilimiz esa bronza medali bilan taqdirlandilar.
Oltin medal sohiblari:
-35,5 kg: Humoyunmirzo Abdurasulov
-38,5 kg: Hojiakbar Mahmudov
-40 kg: Farruh To‘laganov
-41,5 kg: Jamoliddiin Xoliqov
-50 kg: Lazizbek To‘lqinov
-52 kg: Dalerjon Bozorov
-57 kg: Jahongir Narziyev
-59 kg: Abdulaziz Abdurahmonov
Bronza medali egalari:
-46 kg: Boburbek Bobojonov
-54 kg: Jasurbek Mo‘minov
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter