OChL. Bugun «Paxtakor» hal qiluvchi bahsda maydonga tushadi
Bugun Osiyo chempionlar ligasi guruh bosqichining so‘nggi turi start oladi. «Paxtakor» safarda hal qiluvchi bahsda maydonga tushadi.
Shota Arveladze shogirdlari Jiddada «Al Ahli» mehmoni bo‘lishadi. Mazkur uchrashuvda vakillarimizni durang natija ham qoniqtiradi. Saudiyaliklar keyingi bosqichga chiqmoqchi bo‘lishsa, faqat g‘alaba qozonishlariga to‘g‘ri keladi.
Agar «Paxtakor» g‘alaba qozongudek bo‘lsa, u holda guruhda birinchi o‘rinni qo‘lga kiritish ehtimoli ham bo‘ladi. Buning uchun «Al Sadd» Tehronda mag‘lub bo‘lishiga to‘g‘ri keladi.
Guruhning boshqa o‘yinida pley-off masalasini muddatidan avval hal qilib qo‘ygan «Al Sadd» va guruhda qolib ketgan «Persepolis» to‘qnash kelishadi. O‘tgan mavsumning finalchisi kutilmaganda guruh autsayderiga aylandi, biroq forslar o‘z maydonlaridagi so‘nggi bahsda muxlislar uchun chiroyli o‘yin ko‘rsatishlari kutilmoqda.
Uchrashuv tungi soat 00:00da boshlanadi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter