O‘zbekiston — Xitoy: Ravshan Haydarov asosiy tarkibda jiddiy o‘zgarishlarga qo‘l urdi
Komilov jarohati tufayli tarkibdan chetda qoldi
Xitoyda o‘tkazilayotgan futbol bo‘yicha Osiyo chempionati «A» guruhi ikkinchi turidan o‘rin olgan O‘zbekiston va Xitoy olimpiya terma jamoalari o‘rtasidagi o‘yin boshlanishiga oz fursat qoldi.
Musobaqaning «Tvitter»dagi rasmiy sahifasida uchrashuvni asosiy tarkibda boshlaydigan futbolchilar nomi e’lon qilindi.
Tarkibda jiddiy o‘zgarishlar ro‘y bergan. O‘tgan o‘yinda darvozamizni qo‘riqlagan Dilshod Hamroyev o‘rnini Botirali Ergashev egallagan. Jarohat olgan Akrom Komilov ham asosiy tarkibda yo‘q.
Qatar bilan o‘yindan farqli o‘laroq Jasur Yaxshiboyev hamda Islomjon Qobilovga ham boshlang‘ich tarkibdan joy tegmagan. Ularning o‘rniga Abbosjon Otaxonov, Dostonbek Tursunov va Doniyor Narzullayev uchrashuvni ilk daqiqalardan boshlaydi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter