Shahram G‘iyosov kuchli raqibini birinchi raunddayoq nokaut qildi
Rio Olimpiadasi sovrindori Shahram G‘iyosov AQShning Los-Anjeles shahridagi «Florentine Gardens Hollywood» arenasida ringga ko‘tarildi. Hamyurtimiz ushbu jangda meksikalik tajribali bokschi Daniel Echeverriya bilan bahslashdi.
Jang kutilganidan ko‘ra tez yakunlandi. Shahram kuchli raqibini birinchi raundning o‘zida nokautga uchratdi. Kuchli zarbani o‘tkazib yuborgan Echeverriya o‘rnidan tura olmadi.
Meksikalik 26 yoshli bokschi professional ringda 24ta jang o‘tkazib, ularning 19tasida g‘alaba qozongan edi. Shundan o‘n yettita jangda raqiblarini nokautga uchratgandi.
Shunday qilib, Shahram G‘iyosov profringdagi uchinchi jangida ham g‘alaba qozondi, shulardan ikkitasi nokaut qayd etilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter