Talabalar uchun stipendiya tanloviga start berildi
Iqtidorli yoshlarni qo‘llab-quvvatlash va moliyaviy rag‘batlantirish maqsadida respublika miqyosida talabalar uchun «REGISTON STIPENDIYASI — 2023» tanlovi o‘tkaziladi.
Unda barcha davlat va nodavlat oliygohlarida tahsil olayotgan bakalavr bosqich talabalari ishtirok etishlari mumkin.
Tanlovda ishtirok etish istagida bo‘lgan talabgorlar 30 aprelga qadar onlayn shaklda ro‘yxatdan o‘tishlari mumkin.
3 bosqichli saralash natijasiga ko‘ra g‘oliblar «Registon stipendiyasi sohibi» maxsus guvohnomasi, esdalik sovg‘alar, pul yutuqlari bilan taqdirlanadi.
Shuningdek, tanlovda ishtirok etgan nomzodlarga maxsus QR-kodli sertifikatlar onlayn topshiriladi.
Batafsil ma’lumot: @registon_stipendiya_bot
Ma’lumot o‘rnida, ushbu stipendiya xorijiy tillarni puxta o‘rgangan bilimdon talabalarni moddiy rag‘batlantirishga qaratilgan bo‘lib, o‘qishda qo‘shimcha imtiyoz berish xarakteriga ega emas.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter