Norvegiya FM-radio tarmog‘ini raqamli radioga to‘liq almashtirgan dunyodagi birinchi davlat aylandi, deb xabar berdi «Korrespondent.net».

Mamlakat raqamli radioga o‘tishni shu yil yanvar oyida boshlagandi. 15-dekabr kuni eng shimoliy mintaqalar va Arktikadagi Svalbard arxipelagi oxiri bo‘lib raqamli audioeshittirishga o‘tdi.

Norvegiya rasmiylariga ko‘ra, raqamli radio ovozning a’lo sifati va ko‘proq kanallarni taklif etadi, qiymati esa FM-stansiyalar narxining sakkizdan biriga to‘g‘ri keladi.

Shuningdek, tinglovchilarga o‘tkazib yuborgan dasturlarini qayta tinglash imkoniyatini yaratadi va favqulodda vaziyatlarda shoshilinch xabarlar yetkazishni yengillashtiradi.

Shunaga qaramay so‘rovlarga ko‘ra, Norvegiya fuqarolari FM-radiolar bekor qilinganidan norozi.

Ko‘pchilik FM-radiostansiyalar orqali uzatiladigan favqulodda signallardan bexabar qolishdan xavotirda bo‘lsa, yana kimlardir mashinaga raqamli radioni o‘rnatish uchun qimmat adapter sotib olish lozimligidan nolimoqda. Chunki mamlakatdagi avtomobillarning 20 foizigina DAV-signallarini qabul qiluvchi qurilmalar bilan jihozlangan.