Xabarlar tezkor Telegram kanalimizda Obuna bo'lish ×

AQSh asteroid yo‘nalishini o‘zgartirish bo‘yicha noyob missiyani boshladi

AQSh asteroid yo‘nalishini o‘zgartirish bo‘yicha noyob missiyani boshladi

Foto: «Rusmonitor.com»

Qo‘shma Shtatlar chorshanba kuni Yerni asteroidlar bilan to‘qnashuvdan himoya qilish texnologiyasini sinab ko‘rish uchunDART kosmik kemasini uchirdi. Bu haqda NASA ma’lumotiga asoslanib Interfaks ma’lum qilmoqda.

Uchirish AQSh kosmik kuchlarining Vandenberg bazasidan (Kaliforniya) SpaceXning og‘ir Falcon 9 raketasi yordamida amalga oshirildi.

DART (Double Asteroid Redirection Test)missiyasining vazifasi Yer bilan to‘qnashuvga tahdid soluvchi asteroidning parvoz traektoriyasini kinetik ta’sir orqali o‘zgartirish imkoniyatini sinab ko‘rishdan iborat.

Maqsad diametri 160 metr bo‘lgan Dimorf (Dimorphos) asteroidi bo‘lib, qurilma unga Yerdan 11 million kilometr uzoqlikda borib urilishi kerak bo‘ladi. Og‘irligi 633 kg bo‘lgan zond asteroid harakatiga ta’sir qilish uchun 2022-yilning sentyabr-oktyabr oylarida soniyasiga 6,6 km tezlikda unga to‘qnashadi. To‘qnashuvni Italiyaning LICIACube CubeSat sun’iy yo‘ldoshi kuzatib boradi, u zonddan besh kun oldin ajralib chiqadi.

NASA ma’lumotlariga ko‘ra, missiya davomida mutaxassislar DRACO teleskopi yordamida ko‘plab sinovlarni o‘tkazadi, shuningdek, bir qator ko‘rgazmali texnologiyalarni sinovdan o‘tkazadi. Ularning ta’kidlashicha, parvoz davomida NASA uchun ishlab chiqilgan SMART Nav qurilmasining qidiruv va uyga joylashish tizimi sinovdan o‘tkaziladi, u asteroidga yaqinlashishdan bir soat oldin ishlay boshlaydi.

Didymos asteroid tizimining bir qismi bo‘lgan Dimorf Yer uchun hech qanday xavf tug‘dirmaydi. U NASA tomonidan kosmik kemaning kichik samoviy jism bilan to‘qnashuvi texnologiyasining parvoz yo‘lini o‘zgartirish samaradorligini sinab ko‘rish uchun ob’yekt sifatida tanlangan.

Avvalroq, Yerni yo‘q qilishga qodir bo‘lgan osmon jismi haqida xabar berilgan edi.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring