«AirHelp» kompaniyasi jahonning eng yaxshi aeroportlari va aviakompaniyalarini aniqladi.

Mutaxassislar 134 ta aeroportni baholashda 40 mamlakatdagi 40 mingdan ziyod mijozlarning fikrlariga suyanishdi. Shuningdek, parvozlarning vaqtida amalga oshishi, xizmat sifati, restoranlar, do‘konlarning qay darajada talabga javob berishi hisobga olindi.

Yuqoridagilar asosida Qatardagi Hamad aeroporti dunyoda tengsiz deb topildi. Undan keyingi o‘rinlarda Tokio (Yaponiya) va Afina (Gretsiya) aeroportlari.

TOP-10 ga kiritilgan aeroportlar: Afonsu Pena (Braziliya), Lex Valensa nomidagi Gdansk aeroporti (Polsha), Sheremetevo (Moskva), Changi (Singapur), Rajiv Gandi xalqaro aeroporti (Hindiston), Tenerife Norte (Ispaniya) va Virakopus (Braziliya).

«Aviakompaniyalar reytingi»da ham Qatar peshqadam — «QatarAirways». Keyingi o‘rinlarda «American Airlines» va «Aeromexico».

TOP-10 ga kiritilgan aviakompaniyalar: «SAS Scandinavian Airlines», «Qantas», «LATAM Airlines», «WestJet», «Luxair», «Austrian Airlines» hamda «Emirates».