Koronavirusga chalingan bemorga shifo topildi — Shanxay
Shanxaylik shifokorlar yangi tarqagan koronavirus orqali pnevmoniyaga chalingan bemor ayolni davolashga muvaffaq bo‘lishdi, deya xabar berdi «Kp.ru».
Ayolning yoshi 56 da bo‘lib, koronavirus tarqagan Uxan shahrida yashagani aytilmoqda.
Tobi qochgan bu ayol 10-yanvar kuni shifoxonaga murojaat qilgan, 15-yanvarda esa davolanish uchun yotqizilgan. Davolanish mobaynida bemorning salomatligi yaxshilanib, olti kun davomida tana harorati me’yordan oshmagan.
«Sina» agentligi yozishicha, davolanish davomida ayolning nafas olishidagi muammolar kamayib borib, virusni aniqlash borasidagi testlar manfiy chiqqan. Ahvoli yaxshilangan ayol kasalxonada «har ehtimolga qarshi» yana bir necha kun ushlab turilganidan so‘ng uyiga javob berishgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter