Madonna va Rianna AQShning eng boy tadbirkor ayollari ro‘yxatiga kiritildi
Madonna va Rianna «Forbes» jurnali tomonidan chop etilgan AQShning eng boy self-made tadbirkorlari yillik ro‘yxatiga kiritildi.
Unda Rianna 33-o‘rinni egalladi. U bir yil ichida kiyim-kechak va kosmetika savdosidan 600 million dollar ishlab topdi. COVID-19ga qarshi kurash uchun tashkil etgan xayriya jamg‘armasi esa 22,5 million dollar to‘pladi.
Madonna 550 million bilan 40-pog‘onadan joy oldi. Selin Dion 51-o‘rin (455 million), Beyonse 55-o‘rin (420 million), Barbara Streyzand 56-o‘rin (400 million)ni egalladi.
Reytingdagi eng yosh ayol — model Kayli Jenner (23 yosh), eng keksa xonim esa Elis Shvars (94 yosh) bo‘lib, u biotexnologiyalar bilan shug‘ullanadi.
«ABC Supply» asoschisi Diana Xendriks esa uchinchi yildirki ketma-ket peshqadamlikni qo‘ldan bermay kelmoqda. Uning kompaniyasi tom yopishda ishlatiladigan materiallarni ishlab chiqarish va sotish bilan shug‘ullanadi.
Ro‘yxatga kiritilgan aksar ayollar (100 tadan 45 nafari) Kaliforniyada istiqomat qilishadi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter