Миграция муаммоси Европани парчалаб юбориши мумкин
Польша президенти девони мудири Кшиштоф Шерский миграция муаммоси Европани парчалаб юбориши мумкинлиги ҳақида гапирди. Бу ҳақда «РИА Новости» хабар бермоқда.
Куни кеча Брюссель шаҳрида Европа иттифоқининг миграцияга бағишланган норасмий учрашуви бўлиб ўтди. Йиғилишда аниқ бир қарорга келинмаган бўлса-да, лекин тадбир иштирокчиларининг ноқонуний миграцияга қарши курашиш ва Еврота иттифоқи чегараларини мустаҳкамлаш бўйича фикри бир жойдан чиқди.
«Шубҳасиз, миграция муаммоси Европани ва унинг барча давлатларини парчалаб юбориши мумкин», – дея иқтибос келтиради «РАР» агентлиги.
«Биз Европа иттифоқидаги миграция муаммосини бартараф эта олмаймиз. Польша давлати каби муаммонинг келиб чиқиш сабабларини қидириб, уни жойда ҳал этган маъқул», – деган Кшиштоф Шерский.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter