Назарбоев ролини ўйнаган актёр парламентга депутат бўлди
Қозоқ кино усталари томонидан ишланган «Лидернинг йўли» филмида мамлакатнинг биринчи президенти Нурсултон Назарбоев ролини ўйнаган 35 ёшли актёр Нурлан Алимжанов парламентга депутат бўлди. Бу ҳақда РИА «Новости» ёзмоқда.
Алимжонов Назарбоев бошчилигидаги «Нур Отан» партиясидан парламентнинг қуйи палатасига тавсия этилди.
Назарбоев ролини ўйнаган актёр аллақачон қасамёд қабул қилди ва ижтимоий-маданий ривожланиш қўмитасининг аъзоси бўлишга улгурди.
Аввалроқ, Қозоғистоннинг собиқ президенти Нурсултон Назарбоевнинг қизи Дариға депутатлар томонидан республика Сенати раиси лавозимига қайта сайлангани ҳақида хабар берилган эди.
Қозоғистонни қарийб 30 йил бошқарган Нурсултон Назарбоев 2019 йил 19 мартда истеъфога чиққанди.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter