Toronto: hujum qurbonlari soni 10 kishiga yetdi
«Kanadaning Toronto shahrida 23-aprel kuni soat 13:30 da avtofurgonning piyodalar ustiga bostirib borishi oqibatida halok bo‘lganlar soni 10 kishiga yetdi. Yana 15 kishi jarohat oldi», — deya bayonot berdi mahalliy politsiya. Bundan avval 9 kishining halok bo‘lgani ma’lum qilingan edi. Bu haqda «BBC» xabar berdi.
Mashina haydovchisi, 25 yoshli Alek Minasyan ushlandi. Uning ijtimoiy tarmoqlardagi profilida ta’kidlanishicha, Minasyan Senekadagi mahalliy kollej talabasidir. Ma’lumotlarga ko‘ra u atayin piyodalar ustiga haydagan, biroq buning sababi noaniqligicha qolmoqda.
Shahar politsiyasi boshlig‘i Mark Sondersning xabar qilishicha, Minasyan avvalroq politsiyaga ma’lum bo‘lmagan va biror-bir terror guruhiga aloqasi yo‘q.
Tergov davom etmoqda. Politsiya Torontodagi hodisani terakt deb hisoblamoqda.
Kanada bosh vaziri Jastin Tryudo yuz bergan hodisani «fojiali va dahshatli hujum» deya baholadi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter