Tramp to‘rt soatlik tibbiy ko‘rikdan o‘tkazildi: Oq Uy prezident sog‘lig‘i yuzasidan bayonot berdi
AQSh prezidenti Donald Tramp to‘rt soatlik oldindan rejalashtirilgan tibbiy ko‘rikdan o‘tgan. Trampning shaxsiy vrachi Shon Konlining bayonotiga ko‘ra, uning sog‘lig‘i barqaror. Bu haqda «The Mercury News» yozmoqda.
AQSh prezidentlari odatda muntazam tibbiy ko‘rikdan o‘tishadi, buning natijalari xalqqa ham e’lon qilib boriladi. Donald Tramp o‘z navbatida AQSh rahbarlari tarixida eng qari prezident sanaladi.
U 70 yoshida lavozimga kelgan bo‘lsa, ikkinchi o‘rinda 69 yoshida prezident bo‘lgan Ronald Reygan turadi.
Trampning shifokori uning prezidentlik muddati yakuniga yetguncha va undan keyin ham ahvoli yaxshi bo‘lishini ma’lum qilgan.
Eslatib o‘tamiz, joriy yilning 27-28-fevral kunlari Donald Tramp KXDR rahbari Kim Chen In bilan Vetnam poytaxti Xanoy shahrida uchrashadi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter