Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Бир соатдан сўнг «WTC-3» осмонўпар биноси расман очилади

Бир соатдан сўнг «WTC-3» осмонўпар биноси расман очилади

Фото: «Twitter»

Яна бир соатдан сўнг (Нью-Йорк вақти билан соат 11:00 да) Жаҳон савдо маркази таркибига кирувчи «WTC-3» осмонўпар биноси расман очилади. Бу ҳақда «Usa.one» хабар берган.

Бинонинг очилиш санаси ва вақтида рамзийлик бор: 11-сана, соат 11:00 — Жаҳон савдо маркази бинолари 11 сентябрда террорчилик хуружи оқибатида йўқ қилинган «эгизак миноралар»нинг ўрнида қад ростламоқда.

«WTC-3» («3 World Trade Center») 80 қаватли бўлиб, 17, 60, 76-қаватларида очиқ айвонлар жойлашган. Бу Жаҳон савдо маркази комплексига кирувчи беш осмонўпар бинонинг тўртинчисидир.

«WTC-3»ни қуриш 2010 йили меъмор Pичapд Poжepc раҳбарлигида бошланган. Баландлиги 329 метрни ташкил этувчи «WTC-3» комплекснинг иккинчи баланд биносига айланади; комплекснинг бош биноси — «Озодлик минораси»нинг баландлиги 540 метр бўлиб, 104 қаватдан иборат.

Айни пайтгача бино умумий майдонининг 38 фоизини ижарачилар банд этиб бўлишди. Савдо майдонлари учун беш қават ажратилади. Ҳозирча энг катта ижарачи — «GroupM» компанияси тўққиз қаватдаги 700 минг квадрат фут майдонни банд этган. Ижарачилар орасида «McKinseу» ва «IEX» каби таниқли номлар ҳам бор.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг