Эрдўғон Путиндан украиналик денгизчиларни озод қилишни илтимос қилди
Туркия президенти Ражаб Тоййиб Эрдўғон Россия президенти Владимир Путинга украиналик денгизчиларни озодликка чиқариш ҳақидаги илтимосни етказганини маълум қилди. Бу ҳақда «Gazeta.ru» хабар бермоқда.
Эрдўғоннинг айтишича, Керч кесишмасидаги ҳодисадан сўнг у Путин билан ҳам, Украина президенти Пётр Порошенко билан ҳам гаплашган.
«Ҳозир, билишимча, ҳодиса бўйича тергов олиб борилмоқда. Шундан сўнг қарор қабул қилинади», - дейди Эрдўғон.
Унинг аниқлик киритишича, бу вазиятда Туркия фақат илтимос қила олади, аммо ундан уёғига ўтмайди.
Эслатиб ўтамиз, 22 ноябрь куни Украинанинг уч кемаси Керчь бўғозидан Россия чегарасини кесиб ўтгани учун қўлга олингани сабабли, икки давлат муносабатлари янада совуқлашди. Вазиятга АҚШ аралашиб, ҳатто Қора денгизга ҳарбий кемалар юбориш ниятини маълум қилди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter