Финляндияда йўловчи автобуси кўприкдан темирйўлга қулаб тушди
Финляндияда кеча, 24 август куни йўловчи автобуси кўприкдан темирйўлга қулаб тушди. Бу ҳақда «Korrespondent.net» хабар бермоқда.
Ҳалокат таҳминан 15:00да Куопио шаҳри яқинида содир бўлган.
Дастлабки маълумотларга кўра, ҳодиса оқибатида тўрт киши қурбон бўлган, 19 киши жароҳатланган, улардан тўрт нафарида жиддий жароҳатлар аниқланган.
Хабар берилишича, ҳалокатга техник носозликлар сабаб бўлган. Ҳайдовчи автобуснинг тормози ишламай қолгани ва шу сабабли уни вақтида тўхтата олмаганини таъкидламоқда.
Гувоҳларнинг айтишича, автобус катта тезликда ҳаракатланиб келган ва бешта автомобил билан тўқнашиб, охири кўприкдан қулаган.
Айни дамда ҳалокат жойи тўсиб қўйилиб, поездлар ва автомобиллар қатнови тўхтатилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter