Германияда эгизаклар она қорнида операция қилинди
Германияда эгизаклар она қорнида тер безлари ва милк ривожланишига тўсиқ бўлган генетик касалликлардан халос қилинди. Бу ҳақда «Sabah» хабар бермоқда.
Операциядан кейин эгизакларнинг аҳволи яхши бўлган.
Фамилияси сир тутилишини истаган Корина ва Тобиас жуфтлиги тўнғич фарзанди Жошуа 2 ёшга тўлган бўлса-да, ҳануз тишлари чиқмагани туфайли шифокорга мурожаат қилади. Шифокор уларга бу генетик касаллик эканини, шу туфайли тана ўзини совутмаётгани сабабли тишлар кеч чиқишини айтади.
Кейинчалик Корина яна ҳомиладор бўлади. Ультратовуш текширувидан ўтган Корина эгизакларнинг ҳам шу касалликка чалинганини пайқайди. Шифокорлар дарҳол онани операция столига ётқизишади. Она қорнида ўтказилган операция натижасида эгизаклар хасталикдан фориғ бўлади.
«Эгизакларим туғилгандан кейин уларнинг терлашини кўриб қувондим. Ҳозир улар соғлом», — дейди Корина.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter