Ким Чен Ин коронавирус билан курашаётган Жанубий Кореяга «далда берди»
Шимолий Корея лидери Ким Чен Ин Жанубий Корея президенти Мун Чжэ Инга коронавирусга курашда бардамлик тилаган хат юборди. Бу ҳақда «Mirror» нашри ёзмоқда.
У Жанубий Корея президентига «бу офатни енгиб чиқамиз», деб айтган ва ёрдам беришга тайёрлигини изҳор қилган.
Пайшанба куни Жанубий Кореяда 438 та янги касаллик ҳолати қайд этилиб, уларнинг сони 5,8 минг кишига етган. Жанубий Корея Хитойдан ташқарида кенг кўламда эпидемия билан курашмоқда - 37 та ўлим қайд этилган, бу Хитой, Италия ва Эрондан кейин тўртинчи ўринда туради.
Шу билан бирга, Шимолий Корея раҳбари мамлакат таркибида коронавирусга чалинганлар мавжуд эмаслигини таъкидлаб, назоратни янада кучайтирганини айтиб ўтди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter