Лотин Америкасига ҳам Европа иттифоқига ўхшаш ташкилот керак — Мексика президенти
Мексика президенти Андрес Мануэл Лопес Обрадор
Мексика президенти Андрес Мануэл Лопес Обрадор Америка давлатлари ташкилотини ҳақиқий мустақил органга айлантириш таклифи билан чиқди: Лотин Америкаси мамлакатларига Европа иттифоқига ўхшаш ташкилот керак. Бу ҳақда «Синьхуа» хабар берди.
«Икки аср аввал ишланган модель умрини яшаб бўлди, унинг келажаги йўқ. Европа иттифоқига ўхшаган, бироқ ўзимизнинг тарих, реаллик ва хослигимизни акс эттирувчи нимадир қилишимиз керак», — деди Лопес Обрадор.
У Америка давлатлари ташкилотини кимларнингдир хизмати қиладиган эмас, балки инсон ҳуқуқлари ва демократия масалаларидаги низоларда томонларнинг сўрови ва розилиги асосида воситачи вазифасини ўтай оладиган ҳақиқий мустақил органга айланишга чорлади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter