Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

«НТВ» журналисти 11-қаватдан сакраб ўз жонига қасд қилди

«НТВ» журналисти 11-қаватдан сакраб ўз жонига қасд қилди

Фото: «Lenta.ru»

Россиянинг «НТВ» телеканали журналисти Никита Развозжаев ўз жонига қасд қилди. Бу ҳақда «Lenta.ru» хабар қилмоқда.

Баъзи манбаларга кўра, мухбир турар-жой биносининг 11-қаватидан сакраган.

Ўлимидан аввал Развозжаев ўзининг «ВКонтакте»даги саҳифасида видолашув сўзларини ёзиб қолдирган. У ота-онаси ва яқинларидан кечирим сўраган, ўлимида ҳеч кимни айбламасликни айтган.

«Мен умидларингизни оқлай олмадим. Бегона шаҳарда ўз хаёлларим билан яккама-якка қолдим. Сиз ёнимда бўлсангиз ҳаммаси бошқача бўларди»,- деб ёзган у ота-онасига.

Журналист, шунингдек, севгилисига ҳам мурожаат қилиб, ундан кечирим сўраган.

«Мен сен билан бўлишни орзу қилгандим, мени кечиришингга ишонгандим. Бунда сенинг айбинг йўқ», - деб ёзган у.

Никита Развозжаев 25 ёшда эди. У 2017 йили Ҳаво десантчилари кунида Горький боғидаги воқеадан сўнг машҳур бўлиб кетган, ўшанда маст эркак жонли эфирда мухбирга мушт туширган эди.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг