Трамп Меркелга «G7» саммити вақтида конфет улоқтирган
АҚШ президенти Доналд Трамп Канадада бўлиб ўтган «G7» саммитида Германия канцлери Ангела Меркел томонга бир нечта конфет отди. Бу ҳақда «CBS» телеканалига сиёсатчи Иэн Бреммер сўзлаб берди.
Унинг айтишича, бу воқеа саммит тугаши арафасида, давлат раҳбарлари Трампга умумий коммюникега имзо чекиши учун босим ўтказишни бошлашганда содир бўлган. Охир-оқибат Трамп уни имзолашдан бош тортган, деб хабар қилди «РИА Новости».
«Шундан сўнг Трамп ўрнидан турди, чўнтагидан иккита «Starburst» конфетини олиб столга ташлади ва Меркелга «Мана, менга ҳеч нарса бермагансан дема» деди», — дея сўзлаб берди Бреммер.
Сиёсатчи бу ҳодисага Меркелнинг муносабати ҳақида маълумот бермаган. Унинг фикрича, раҳбарлар ўртасида ҳурмат йўқлиги ва уларнинг шахсий муносабатлари бузилганлиги кўриниб турган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter